Гүүгл ахаас Хархүү гээд хайхаар герман хэлэн дээр 272.000.000 бичлэг олдож байхад Шархүү гээд хайхаар 53.600.000 бичлэг байна гэх юм.

Аа харин Хархүү, Шархүү гээд хоёуланг нь бичxээр 119.000.000 гэнэ ээ ккк.

Хархүү маань сүр дуулиантай ажлын гараагаа эхлэв. Сэтгэл хөдлөлт, баяр баясгалан бялхалсан ард түмэн хуучин ерөнхийлөгч асан Шархүүдээ баяртай ч гэж хэлж амжилгүй явуулчих шиг санагдсан. Өнөөх нь чихрээ голсон хүүхэд шиг, лимузин дотроосоо хиймэл үнсэлт илгээн гэргийгээ сугадан, санд мэнд ирсэн замаараа сурсан дуугаа дуулаад буцав.

Амеркчүүдийн битгий хэл дэлхийн түүхэнд тэмдэглэх энэхүү үйл явдалыг хэдэн миллиард хүн дэлгэцний өмнө
тэсэн ядан хүлээцгээж байлаа. Итгэл найдвар гэдэг агуу зүйл. Энэ их итгэл найдварыг Хархүү биелүүлж чадах уу, Шархүүгийн хийсэн олон олон алдааг засч, дэлхийн нийтийг горьмонд нь оруулж гольдрогыг нь чиглүүлж чадах уу гэх мэт олон асуулт цуварч байна.

Хамгийн түрүүнд энэ Хархүүг юу хүлээж байна вэ?

Миний бодлоор:

1. Дотоодын Улс Төрийн бэрхшээл

Дэлхий нийтийг хамарсан санхүүгийн хямралаас илүүтэй Амеркчүүдийн өөрсдийн Дотоодын улс төрийн будилаануудаа засах хэрэгтэй байна.
2007 онд буюу Хархүү маань анх ерөнхийлөгчид нэр дэвших компанит ажил эхлэх үед дэвшүүлж байсан саналуудын дундаас нэг номерт Иракын дайны талаар болон, цэргүүдээ татан буулгах асуудал нэгт тавигддаг байлаа.
Удаахь хүсэлт болох эрүүл мэндийн даатгалын дотоодын системийг өөрчлөх, цаашлан иргэн болгонд эмнэлгийн тусламжийг элдэв саад тотгоргүй хүргэж байх тухай байв.
Гэвч энэ жилийн хувьд энэ асуудлууд бүгд хойшлогдон хамгийн түрүүнд ажилын байруудыг баталгаажуулах асуудал тулгарч байна. 2008 оны дунд үеэс эхлэн хаа сайгүй газар авсан эдийн засгийн хямрал анхаарлын төв болоод байна. Шархүүгийн байгуулсан гавъяа хэмээн энийг нэрлэж байгаа ч ажилгүйдлийн тоо урьд хожид үзэгдээгүй улам бүр нэмэгдсээр ард иргэдийн хь маргаашаа гэх итгэл найдвар нь улам бүр л багассаар байна.
Мэдээж ийм байдал дээрээс ажлын гараагаа эхэлж буй хүнд эхний ээлжинд амаргүй байх нь хэн хүнд тодорхой. Тэр байтугай хамгийн том концернуудын нэг болох Крайслерийг дампуурна гэж ажиглагчид дүгнэж байна. Электрон барааны хамгийн том хэлхээ компани болох Circuit City болон гэр ахуйн барааны Linnen&Things, Женерал Моторс гэх мэт том том топ концернууд аль хэдийнээ дампуурлаа зарлаж байна.
Шархүүгийн удирдлаган дор гаргасан шийдвэрээр төрөөс 700 сая ам доллар тусламжийн журмаар гаргахаар төлөвлсөн авч энэ хэмжээ хангалтгүй гэж Хархүү үзэж байна.
Сонгуулийн явцад уран сайхан үгээр амлаж байсан Хархүүгийн амлалтыг ард иргэд нь огт мартахгүй тул энэ их итгэл найдварыг биелүүлж чадах эсэх зөвхөн өөрөөс нь л шалтгаалах асуудал болж байна.

2. Байгаль орчины бохирдол

Хархүү ажилдаа орвол, Шархүү шиг шидэгдсэн гуталнаас бултаж мултан зугаагаа гаргаад байхгүй,
байгаль орчины бохирдол, дэлхийн дулааралтай ханцуй шамлан тэмцэнэ гэдгээ эртнээс мэдэгдэж байсан. Үүний тулд 150 миллиард дойлуураар санхүүжүүлж, 10 жилийн төлөвлөгөө боловсруулаад байгаа аж. Байгалийн нөхөөн сэргэлтийг хамгаалж, нарны энерги, салхи болон усан цахилгаан станц гэх мэтийг давуутай ашиглалтанд оруулан биомассыг дэмжих хэрэгтэй болвуу.
2012 он гэхэд дэлхийн эрчим хүчний 10%, 2025 он гэхэд 25% нь зөвхөн нар, ус, салхин станцууд бий болгоно гэж төлөвлөгөөндөө дурдсан. Герман улс үүнтэй зэрэгцэн 2020 он гэхэд энэ харьцааг 35 % болгож чадна гэдгээ амлаж байв.
Мөн түүнчлэн Хархүү, цахилгаан болон хюбрид авто машины үйлдвэрлэлийг 4 миллиард дойлуураар дэмжинэ гэдгээ бас амлаж байна.
Нүүрс хүчлийн хийн ялгаруулалтыг 2020 он гэхэд одооны байдлаас 10% аар багасгаж Амеркийн эдийн засгийг дэлхийн түвшинд дүйцэх өөрчлөлт оруулах юм байх. Эмзэг давхаргын иргэдэд байр сууцаа дулаан алддаггүй пассив байшин болго хувиргахад тусламж үзүүлхээс гадна 2020 он гэхэд цахилгааны хэрэглээг 15 % аар бууруулах юм байх.

Хархүүгийн хамгийн том зорилго, 2050 он гэхэд агаарын бохирдлыг одоогийн байдлаас 80 % бууруулж чадна гэж үзэж байна.


3. Aфганистан

Хархүүгийн гадаад явдыл бодлогонд Афганисатынг тодоос тод дурдсан байна. Үүний тулд бусад улсуудаас тусламж хүсч, өөрсдийн цэргүүдээ илгээж хүч нэмэрлхийг гуйж байна. 2001 оноос хойш 32.000 цэрэг Хиндүкүшд байрлуулж бэлэн байдалд байгаа авч энэ тоог хоёр дахин өсгөх тухай дурдав. Энэ нь тухайн улсын аюулгүй байдлыг хамгаалах, эдийн засгийн хөгжилд шууд утгаар дэмжлэг үзүүлэх ач холбогдолтойг сануулав.
Герман Улсаас гэхэд 4500 цэрэг оруулсан ба тэд ч Хархүүг дэмжиж, ахиж цэргийн хүчин оруулхад бэлэн байгаагаа цухуйлгаж байна.

4. Оросын Холбооны Улс

Том гүрнүүд өөр хоорондоо эхийг нь эцээж тугалыг нь тураахгүйхэн шиг харьцаж байхгүй бол бие биен лүүгээ тургилцаад ямар ч үр дүн байхгүйг Шархүү өөрийн биеэрээ батлаад авлаа. Олон Улсын Аюулгүй байдлыг хангах үүднээс Путинтэй халз тулан уулзах хэрэгтэй. Жишээ нь пуужин хөөргөх асуудал. Иранаас Амеркийн Хойг хүртэл илгээсэн пуужин яалт ч үгүй Оросын нутаг дэвсгэр дээгүүр дайрч гарна. Ямар нэгэн алдаа эндүүрэл таараад тэдний нутаг дэвсгэр дээр дэлэрэхгүй байх баталгаа байхгүй тул Пүтин ахын дургүйцэх нь түмэн зөв. Мөн түүнчлэн НАТО г өргөтгөх, Террористуудын эсрэг тэмцэл гээд тэдэнд ырих яриаын сэдэв мундахгүй.
Кавказ, Гүрж рүү хийсэн дайралтыг тэд хэрхэн зогсоосон билээ гэдгийг үргэлж хяналтандаа авах хэрэгтэй. Үүнээс үүдэн Хархүү маань Гүрж, Украйн гэх мэт Пүтин ахын нүдэнд орсон өргөсүүдийг ивээлдээ авах эсэх нь одоогоор тодорхой бус л байна. Утсан хүүхэлдэйнүүд мэт, өөр хоорондоо газаа хааж нээж бусдын анхаарлыг өөр дээрээ татах гэсэн нь магадгүй цаад утгаараа бас нэг стратегийн төлөвлөгөө байсан гэж бодож байна.
Тиймээс нийт нь нэгийн төлөө нэг нь лаг амиа байлгүйхэн шиг дэм дэмэндээ дээс эрчиндээ явах болтугай.

5. Куба

Сонгуулийн үеэр Хархүүгийн амнаас нэг бус удаа энэ улсын талаар дурсагдаж байсан. Төв болон Өмнөд Америкийн улсуудтай нэн даруй гэрээ хэлэлцээр тогтоох хэрэгтэй. Ялангуяа өдийг хүртэл социалист гэгддэг Куба улсыг нүдэлчихсэн байгаа. Кастрогийн удирдлаган дор нээгдэж байсан 1960 оны эдийн засгийн гэрээ хэлэлцээрээс хойш энэ хоёр улсын харьцаа нэг их сайн байсангүй. Шархүүг Иран Ирак Афганистан гэж дэмийрч явах хойгуур нь Испани, Канад зэрэг орнууд нь Куба улстай найрамдал нөхөрлөлийн гэрээнд гар хөлийн үсгээ зуралцан, тухайн улсын эдийн засгийг гартаа аван ноёрхож байна.
Юу юуны түрүүнд хоёр улс өөр хоорондоо зорчих явдалд хил гааль дээр саад тотгоргүй байх, экспорт импорын татварын хуулиа суллах гэх мэт. Хиллари авхай гадаад явдлын яамны сайд болсоноороо түүний нэр хүнд нь ерөнхийлөгч болсоноос илүү өснө үү гэхээс багасахгүй тул энэ тал дээр нь сануулаад өгвөл.
Хил зөрчих оролдого хийсэн, цаашлаад терор үйл явдалыг дэмжсэн хэргээр Гуантанамо гийн шоронд гэм зэмгүй олон зуун хүн тамлагдаж байна. Мэдээж тэдний дотор 9 сарын 11 ний гэмт хэргийг зохион байгуулхад гар бие оролцсон этгээдүүд байгаа авч тухайн шоронгийн талаар дэлхий даяар эсэргүүцэж байна. Магадгүй, энэ шорон татан буугдах байх гэж үзэж байна.

6. Ойрхи Дорнодын асуудал

Юу юуны түрүүнд бэлэн амлах биш бодит туслалцаа тэдэнд агаар ус мэт хэрэгтэй байна. Сарьсан багваахайн үлгэр шиг, жигүүртэн ч биш араатан ч биш дундыг баримтлах тал дээр гарамгай гавъяа байгуулсан Шархүүгийн алдааг бүү давтаасай.
Цэргийн хүчээ Иракаас татан буулгана гэдгээ Хархүү нэг бус удаа амлаж байв.
Цөмийн зэвсэгийн талаар лалын орнуудтай гэрээ хэлэлцээр дээр бодууштай арга хэмжээ авах хэрэгтэй.
Хиллари авхайг гадаад явдлын яамны сайдаар томилсноор хуучин ерөнхийлөгч Клинтоны гар хөл болсон улсууд бүгд Хиллари авхайг тойрон буй нь илт. Тиймээс Клинтончүүдийн сэргэн босолт гэх мэтээр гадаадын хэвлэлийнхэн ёжилцгоож байна.

Одоогоор Израел Хамас хоёрын хоорондын мөргөлдөөний талаар элдэв амлалт гаргаагүй байгаа ч энэ жилийн том сэдвүүдийн нэг гэдэг нь ойлгомжтой. Магадгүй Хархүү маань Сири Израел хоёрын дундуур орж бааталраг үүрэг гүйцэтгэж юуны магад.

Цаг хугацаа бүгдийг нь харуулна, цайгаа оочлоод хүлээж л сууя гэсэн.